Dr Ibn Chaldun (arabisch ابن خلدون Ibn Chaldūn, mit vollem Naame ولي الدين عبد الرحمن ابن محمد بن محمد بن أبي بكر محمد بن الحسن Walī ad-Dīn ʿAbd ar-Raḥmān ibn Muḥammad ibn Muḥammad ibn Abī Bakr Muḥammad ibn al-Ḥasan; * 27. Mai 1332 z Tunis; † 17. Merz 1406 z Kairo) isch en islamische Historiker und Politiker gsi. Er isch von ere arabische Familie us Al-Andalus abgstammt, wo scho dört mit dr Herscherfamilie vo de Hafside verbandlet gsi isch.[1]
Am Aafang vo sim monumentale Wärk al-Muqaddima schribt er si Naame: Abd ar-Rahman ibn Muhammad ibn Chaldun al-Hadrami عبد الرحمن بن محمد بن خلدون الحضرمي / ʿAbd ar-Raḥmān b. Muḥammad b.Ḫaldūn al-Ḥaḍramī. Noch em islamische Kaländer falle d Geburts- und d Doodesdate uf dr 1. Ramadān 732 bzw. 25. Ramadān 808. D Art, wie dr Ibn Chaldun gsellschaftligi und soziali Komflikt aagluegt und beschriibe het, macht in zum ene Vorlöifer von ere soziologische Dänkwiis.
© MMXXIII Rich X Search. We shall prevail. All rights reserved. Rich X Search